"Roma"nın futbolçusu: “Qarabağ”la matçı qazanmaqdan başqa çarəmiz yoxdu"

“Atletiko” ilə oyun “Roma”nın real gücünü göstərmirdi. Biz daha yaxşı oynaya bilərik”. Bu sözləri “Roma”nın yarımmüdafiəçisi Raca Nainqolan deyib.

Çempionlar Liqasının V turunda “Atletiko”ya 0:2 hesabı ilə uduzan paytaxt təmsilçisinin belçikalı futbolçusu növbəti mərhələ şansları haqqında da danışıb: “Oyunun ilk yarısında yaxşı çıxış etdik. İkinci hissədə isə lazımsız top itkilərinə yol verirdik. Bir az müdafiə olunduq və bu bizə lazımdı. “Qarabağ”la qarşıdakı matçı qazanmaqdan başqa çarəmiz yoxdu. Hamımız bunun üçün çıxış edəcəyik. Azarkeş dəstəyi də bizə kömək olacaq. Ümumilikdə qrupda oyunlar çətindir. Hər kəs mövsümün əvvəlində “Qarabağ”ın bütün komandalara asan təslim olacağını deyirdi. Amma biz əksini gördük. Bundan sonra isə taleyimiz öz əlimizdədir. Yalnız Azərbaycan klubu üzərində qələbə lazımdı”.