Ronaldinyo karyerasını rəsmən bitirdi

Əfsanəvi braziliyalı futbolçu Ronaldinyo karyerasını rəsmən başa vurub.
 
Bu barədə 37 yaşlı hücumçunun karyerasını qardaşı Roberto de Assis Moreyra bildirib.
 
Onun peşəkar karyerasında son klubu "Fluminense" olub. Futbolçu bu klubu 2015-ci ilin sentyabrında tərk edib. 2002-ci ilin dünya çempionu son vaxtlar müxtəlif nümayiş xarakterli matçlara qatılıb.
 
Ronaldinyo karyerası ərzində Fransanın PSJ, İspaniyanın "Barselona" və İtaliyanın "Milan" kimi məşhur klublarında çıxış edib.