Ronaldudan tarixi nailiyyət - FOTO

İspaniyanın "Real Madrid" klubunun futbolçusu Kriştianu Ronaldu Çempionlar Liqasında bir kulubun heyətində 100 qol vuran ilk futbolçu kimi tarixə düşüb.
 
Portuqaliyalı hücumçu buna Fransanın PSJ komandası ilə ilk 1/8 final matçında "dubl" edərək, nail olub. Ronalduya bu nailiyyəti əldə etmək üçün 95 oyun lazım gəlib. Hazırda onun ən yaxın izləyicisi olan "Barselona"nın forvardı Lionel Messinin hesabında 97 qol var.
 
"Real Madrid"ə 2009-cu ilin yayında İngiltərənin "Mançester Yunayted" klubundan keçən Ronaldu indiyədək Çempionlar Liqasında ümumilikdə 117 qol vurub. O, turnir tarixinin ən yaxşı bombardiridir.
 
Ronaldu, həmçinin ardıcıl 7 mövsüm Çempionlar Liqasında ən azı 10 qol vuran ilk futbolçu olub. O, 2011/2012 mövsümündə 10, 2012/2013 mövsümündə 11, 2013/2014 mövsümündə 17, 2014/2015 mövsümündə 10, 2015/2016-cı illər mövsümündə 17, 2016/2017 mövsümündə isə 12 dəfə fərqlənib. Hazırkı mövsümdə portuqaliyalı forvardın hesabında 11 qol var.
 
Qeyd edək ki, "Real Madrid" PSJ-ni 3:1 hesabı ilə yenib. Cavab görüşü martın 6-da keçiriləcək.
 
Ronaldudan tarixi nailiyyət - FOTO