İbrahimoviçdən möhtəşəm debüt - VİDEO

ABŞ-ın "Los-Anceles Qalaksi" komandası MLS-in IV turunda "Los-Anceles" üzərində qələbə qazanıb.
 
Karson şəhərinin "StubHub Center" stadionunda keçirilmiş matç ev sahiblərinin 4:3 hesablı qələbəsi ilə yekunlaşıb.
 
Matçın birinci hissəsində qonaqların hücumçusu Karlos Vela dubl edib. Meydan sahiblərinin müdafiəçisi Deniel Stirsin 48-ci dəqiqədə avtoqolundan sonra qonaqların üstünlüyü üç topa çatıb.
 
"Qalaksi"nin yarımmüdafiəçi Sebastyan Lletgetin 61-ci dəqiqədə vurduğu qolla hesab arasındakı fərqi azaldıb. İkinci hissənin ortalarında xavbek Kris Pontius fərqi minimuma endirib. Forvard Zlatan İbrahimoviç komandada keçirdiyi debüt oyununda 77-ci dəqiqədə baxımlı qolla hesabı 3:3 edib, artırma dəqiqələrində isə komandasına qələbə qazandıran qolu vurub.
 
Dörd matçdan sonra "Qalaksi" Qərb konfederasiyasının turnir cədvəlində ikinci pillədə qərarlaşıb, "Los Anceles" isə dördüncüdür.