Arsen Venger getdi

İngiltərənin "Arsenal" futbol komandasının baş məşqçisi Arsen Venger cari mövsümün sonunda postunu tərk edəcək.
 
Bu barədə klubun mətbuat xidməti məlumat yayıb.
 
"Diqqətlə incələmədən və klubla müzakirələrdən sonra mövsümün yekununda istefa verməyim üçün münasib vaxtın yetişdiyini hesab edirəm. Mənə kluba xidmət etmək və inanılmaz illər keçirməkdən ötrü imkan yaradıldığı üçün minnətdarlığımı bildirirəm. Klubu tam məsuliyyət və vicdanla idarə etmişəm. Bu klubu xüsusi edən əməkdaşlara, futbolçulara və azarkeşlərə təşəkkür etmək istəyirəm. Mövsümü yüksək səviyyədə başa vurmaqdan ötrü azarkeşlərə komandanın arxasında olmaq çağrışı edirəm. Mənim sevgi və dəstəyim həmişəlikdir", - Venger söyləyib.
 
Qeyd edək ki, Arsen Venger 1996-cı ildən "Arsenal"ın baş məşqçisidir. O, ötən müddət ərzində London klubu ilə 3 dəfə İngiltərə Premyer Liqasının qalibi olub.