"“Zirə” bizim üçün çətin rəqibdi"-Vəli Qasımov

“Zirə” bizim üçün çətin rəqibdi. Bu komandaya qalib gələ bilmirik. Bizim hücumda və müdafiədə ciddi problemlərimiz var. Məğlubiyyətə də məhz bunu səbəb göstərərdim”. Olimpsport.az saytının məlumatına görə, bu sözləri “Neftçi”nin baş məşqçisi Vəli Qasımov deyib.

 

Topaz Premyer Liqasının II turu çərçivəsində “Zirə” ilə qarşılaşan “ağ-qaralar”ın çalışdırıcısı 0:1 hesablı məğlubiyyətdən sonra jurnalistlərin suallarını cavablandırıb.

 

- Araz Abdullayev tez əvəzləndi...

- O, zədəli idi. Bu səbəbdən də sonadək oynatmadım.

 

- “Zirə”nin çətin rəqib olduğunu dediz. Ümumiyyətlə, sizin üçün rahat komanda hansıdı?

- Son oyunlarda bu komandaya qalib gələ bilmədiyimizə görə bu komandanı çətin rəqib adlandırdım.

 

- Komanda hava toplarında yaxşı təsir bağışlamırdı...

- Hamı topu gözləyir. Topa şığımaq lazımdı.

 

- “Şkendiya” ilə səfər oyunundan sonra zarkeşlər sizdən inciyib. Bu barədə nə deyə bilərsiz?

- Biz futbolu azarkeşlər üçün oynayırıq. Azarkeşlər bizdən daim qələbə tələb edirlər. Onları başa düşürəm.