Millimiz Avropa çempionatında mübarizəni dayandırdı

  Bölmə: Ölkə futbolu | 1017 | 12:15 30-01-2022
Millimiz Avropa çempionatında mübarizəni dayandırdı

Futzal üzrə Azərbaycan millisi  Avropa çempionatının qrup mərhələsində sonuncu oyununa çıxıb.

Joze Alesio Da Silvanın komandası  D qrupunun 3-cü turunda Bosniya və Herseqovinanı sınağa çəkib və 4:2 hesabı ilə qalib gəlib. Ancaq bu qələbə millimizin qrupdan çıxması üçün kifayət etməyib. Çünki İspaniya Gürcüstanı 8:0 hesabı ilə məğlub edib.

 

Beləliklə, İspaniya 1-ci, Gürcüstan 2-ci yerin sahibi kimi növbəti mərhələyə yüksəlib. Yığmamız isə  qrupu 4 xalla 3-cü pillədə başa vurub.

Avropa çempionatı

D qrupu, 3-cü tur

29 yanvar

20:30 Azərbaycan - Bosniya və Herseqovina - 4:2

Qol: Bolinya, 6:22. E.Borges, 10:02. R.Vilela, 32:35. Qallo, 39:52 – A.Radmiloviç, 11:50-pen. N.Kahvedziç, 31:20.

Hakimlər: Daniel Matkoviç (İsveçrə), David Qrondal Nissen (Danimarka), Yan Kresta (Çexiya)

Amsterdam. "Ziggo Dome"

20:30. Gürcüstan - İspaniya - 0:8

Xal durumu: İspaniya - 7. Gürcüstan - 6. Azərbaycan - 4. Bosniya və Herseqovina - 0.

Qeyd edək ki, qrupdakı ilk matçında Gürcüstana 2:3 hesabı ilə uduzan Azərbaycan millisi ikinci görüşdə İspaniya ilə heç-heçə edib - 2:2.


Digər xəbərlər