“Adidas”la əməkdaşlığı dayandıran “Qarabağ”ın yeni forması

“Qarabağ” 2022/23 mövsümündən oyunlara yeni forma ilə çıxacaq.

Ağdam təmsilçisi uzun illərdir formasını geyindiyi “Adidas” şirkəti ilə əməkdaşlığı dayandırıb. Buna “Qarabağ”ın forma sifarişi etdiyi şirkətin Rusiya nümayəndəliyinin Ukraynadakı müharibə ilə əlaqədar fəaliyyətini dayandırması səbəb olub.

Klub bundan sonra yerli Azərbaycan şirkətinin istehsalı olan formalarla oyuna çıxacaq. Bu formanın biri bu gün klubun baş meneceri Asif Əsgərov tərəfindən monteneqrolu yeni transfer Marko Yankoviçə təqdim olunub.