DÇ-2018-də daha bir yeni rekord

  Bölmə: Xarici futbol | 7866 | 10:07 29-06-2018
DÇ-2018-də daha bir yeni rekord

Rusiyada keçirilən dünya çempionatında yeni rekord qeydə alınıb. Bu mundialda avtoqol sayı üzrə rekord təzələnib.

Yeni rekord iyunun 27-də F qrupunda keçirilmiş Meksika - İsveç matçında qeydə alınıb. "Yekaterinburq Arena"da təşkil edilmiş qarşılaşmanın 74-cü dəqiqəsində meksikalı müdafiəçi Edson Alvares topu öz qapısına göndərib. Bu, DÇ-2018-də 7-ci avtoqol olub. Beləliklə, 20 il əvvəl Fransada baş tutmuş dünya çempionatındakı rekord qüvvədən düşüb.


İsveçin 3:0 hesablı qələbə qazandığı görüşün ardından E qrupunda oynanılmış İsveçrə - Kosta Rika matçı daha bir avtoqolla əlamətdar olub. 2:2 hesabı ilə yekunlaşan matçın uzatma dəqiqələrində penaltidən vurulan zərbə qapı tirinə tuş gəldikdən sonra isveçrəli qapıçı Yann Zommerə dəyərək, tora daxil olub. Beləliklə, DÇ-2018-də 44 oyunda 8 avtoqol gerçəkləşib.


Digər xəbərlər