AFFA TFF ilə VAR sistemini müzakirə etdi

  Bölmə: Ölkə futbolu | 217 | 18:21 12-04-2021
AFFA TFF ilə VAR sistemini müzakirə etdi

Ötən həftə VAR (videoköməkçi hakim) layihə rəhbəri Elxan Səmədov, AFFA Hakimlər Komitəsinin sədri Frits Ştuxlik və CBC Sport televiziya kanalının baş direktoru Volkan Üst Türkiyənin İstanbul şəhərində səfərdə olublar.

 

Olimpsportun məlumatına görə, səfərin məqsədi TFF-nin də tətbiq etdiyi VAR sisteminin özəllikləri barədə məlumat almaq, bu sistemin Azərbaycanda istifadəsi baxımından görüləcək işlərə hazırlıq olub.

 

Görüş zamanı AFFA və TFF arasında qarşılıqlı əməkdaşlıq çərçivəsində Türkiyə Super Liqasındakı təcrübə nəzərə alınaraq Azərbaycan Premyer Liqasında VAR sisteminin tətbiqi ilə bağlı ətraflı müzakirə aparılıb.

 

Qeyd edək ki, VAR-ın ölkədə tətbiqi sahəsində görüləcək işlərlə əlaqədar növbəti iki həftə ərzində FIFA ilə onlayn görüşlər keçiriləcək.

Ramin Allahverdiyev 


Digər xəbərlər