Azərbaycan ağırlıqqaldıranı zədəyə görə dünya çempionatından imtina edib

Azərbaycan ağırlıqqaldıranı İsa Rüstəmov (67 kiloqram) Səudiyyə Ərəbistanının paytaxtı Ər-Riyadda keçirilən dünya çempionatında mübarizəni erkən başa vurub.

"Olimpsport" xəbər verir ki, bu barədə Azərbaycan Ağır Atletika Federasiyası məlumat yayıb. Məlumata görə, körpücük üzərinə çıxan idmançı dizindəki zədə səbəbindən ilk yanaşmasından (128 kiloqram) sonra yarışdan imtina etmək qərarına gəlib.

Qeyd edək ki, mundial Paris-2024 Yay Olimpiya Oyunlarına lisenziya xarakteri daşıyır. Sentyabrın 17-dək davam edəcək yarışda 894 atlet (469 kişi və 425 qadın) iştirak edir.