Qadın güləşçilər növbəti təlim-məşq toplanışına start verib

Azərbaycanın qadınlardan ibarət əsas, U-20 və U-17 yığmalarının üzvlərindən formalaşmış geniş heyət Göygöl Olimpiya İdman Kompleksində məşqlərə başlayıb.

"Olimpsport" xəbər verir ki, martın 10-dək davam edəcək hazırlıq prosesində böyük məşqçi Toğrul Əsgərov, məşqçi Ağahüseyn Mustafayev, eləcə də U-20 və U-17 millilərinin böyük məşqçisi Rövşən Umudovla Solmaz Adilovanın rəhbərliyi altında 27 güləşçi yer alıb.

Qeyd edək ki, hazırlıq prosesinə qatılan güləşçilərin bir qismi martda Türkiyənin Antalya şəhərində keçiriləcək “Zəfər kuboku” və “Çempionlar” turnirində iştirak edəcək.