Azərbaycan millisinin voleybolçusu "Abşeron"dan ayrılıb

"Abşeron" voleybol klubu Azərbaycan millisinin üzvü Odina Əliyeva ilə yollarını ayırıb.

"Olimpsport" xəbər verir ki, Yüksək Liqa təmsilçisi 33 yaşlı hücumçu ilə müqaviləyə qarşılıqlı razılıq əsasında xitam verib. Təcrübəli oyunçu fiziki cəhətdən hazır olmadığı üçün bu addım atılıb.

Ötən ilin dekabrında komandaya qoşulan O.Əliyeva bu mövsüm 2 matçda meydana çıxıb.