Mərhum Yaşar pəhləvanın xatirəsinə həsr olunmuş sərbəst güləş üzrə turnir keçirilib

Mərhum Yaşar Cavadovun əziz xatirəsinə həsr olunmuş yeniyetmələr arasında IX sərbəst güləş üzrə turnir keçirilib.

"Olimpsport" xəbər verir ki, yarışda 100-dən yuxarı idmançı, 12 rayon və şəhər komandaları çıxış edib. 

Yarışın təntənəli açılış mərasimində fəxri qonaqlar, eləcə də ölkəmizin sayılıb-seçilən pəhləvanları iştirak edib. Komanda hesabında birinci yerə "Səlyan", ikinci yerə "Təhsil", üçüncü yerə isə "Biləsuvar" komandası çıxıb. 

Qeyd edək ki, turnir Salyan rayonu Yaşar idman klubunda keçirilib.