Azərbaycanın daha iki cüdoçusu finala yüksəlib

Azərbaycanın daha iki cüdoçusu Bakıda keçirilən "Böyük Dəbilqə"də finala yüksəlib.

"Olimpsport" xəbər verir ki, Murad Fətiyev (90 kq) və Camal Qamzatxanov (+100 kq) həlledici raunda vəsiqə qazanıblar.

Vüqar Talıbov isə (90 kq) bürünc medal uğrunda qüvvəsini sınayacaq.

Qeyd edək ki, daha əvvəl Hidayət Heydərov (73 kq) və Zelim Tçkayev (81 kq) qızıl, Ömər Rəcəbli (81 kq) gümüş, Balabəy Ağayev (60 kq) və Yaşar Nəcəfov (66 kq) bürünc medal qazanıblar.