ABŞ klubunun hücumçusu Milli Hokkey Liqasının ən mükəmməl oyunçusu seçilib
ABŞ-nin “Pittsburq” klubunun hücumçusu Sidney Krosbi Milli Hokkey Liqasının (NHL) ən mükəmməl oyunçusu seçilib.
"Olimpsport" xəbər verir ki, o, NHL Oyunçuları Assosiasiyasının hazırkı oyunçular arasında keçirdiyi anonim sorğuda 38,37 % səs toplayıb.
İlk "beşlik"də həmçinin Aleksandr Barkov ("Florida", 14,6 %), Anje Kopitar ("Los-Anceles", 8,15 %), Konnor Makdevid ("Edmonton", 7,8 %) və Natan Makkinnon ("Kolorado", 6,62 %) yer alıblar.
Qeyd edək ki, sorğuda 589 hokkeyçi iştirak edib.