Karlo Ançelotti Ronaldu ilə Vinisiusu müqayisə edib

İspaniyanın "Real" klubunun baş məşqçisi Karlo Ançelotti Kriştianu Ronaldu ilə Vinisiusu müqayisə edib.

"Olimpsport" xəbər verir ki, italiyalı mütəxəssis bu barədə "Sportmediaset"ə danışıb.

"Kriştianu Ronaldu "Real"ın tarixinə düşüb. Vinisius isə hazırda tarix yazır. Hər ikisi böyük istedaddır, lakin fərqli oyunçulardır”, - deyə Ançelotti bildirib.

Qeyd edək ki, Vinisius bu mövsüm iştirak etdiyi 34 matçda 21 qola, 11 məhsuldar ötürməyə imza atıb. 39 yaşlı Ronaldu isə "Real"ın heyətində keçirdiyi 438 oyunda 450 qol və 131 məhsuldar ötürmə ilə yadda qalıb.