İtaliya millisinin sabiq müdafiəçisi "Qızıl top"a əsas namizədlərin adlarını açıqlayıb

İtaliya millisinin sabiq müdafiəçisi Fabio Kannavaro "Qızıl top" mükafatına əsas namizədlərin adlarını açıqlayıb.

"Olimpsport" "La Gazzetta dello Sport"a istinadən xəbər verir ki, keçmiş futbolçu bu mükafatı İspaniyanın "Real" klubunun futbolçuları Vinisius Junior və ya Cud Bellinqemin qazanacağını bildirib.

O, "Real"ın digər futbolçusu Kilian Mbappenin də namizəd olduğunu, lakin fransalı hücumçunun o qədər də yaxşı mövsüm keçirmədiyini deyib. 51 yaşlı mütəxəssis İspaniya yığmasının üzvləri Dani Karvahal və Rodrinin də "Qızıl top"u qazanamaq üçün şanslarının olduğunu vurğulayıb.

Qeyd edək ki, F.Kannavaro 2006-cı ildə "Qızıl top" mükafatını qazanıb.