"Sevinirəm ki, ölkəmə medal gətirə bildim"-Cıbrayıl Həsənov

"Olimpiadada üçüncü yeri tutdum. Əlimdən gələni etdim, istərdim qızıl medal qazanım".

 

Olimpsport.az xəbər verir ki, bunu  2016-cı il Rio-de-Janeyro Yay Olimpiya Oyunlarında 74 kq çəkidə bürünc medal

qazanmış sərbəst güləşçi Cəbrayıl Həsənov deyib.

O, yarımfinalda rusiyalı Ənvər Geduyevə uduzmasının səbəbini belə əsaslandırıb: "Yarımfinalda 3:0 hesabı ilə irəlidə idim. Rəqib güclü idmançı idi. Həm də bir az hakim haqsızlığı ilə üzləşdim. Qismət bu imiş. Sevinirəm ki, ölkəmə medal gətirə bildim".

Qeyd edək ki, C.Həsənov "Rio-2016"da ilk olaraq 1/8 finalda kolumbiyalı Karlos Arturo İzkuerdo Mendesi üstələyib. Ardınca Gürcüstan idmançısı Yakob Makaraşvilini məğlub edən azərbaycanlı pəhləvan yarımfinalda rusiyalı Ənvər Geduyevə uduzub. O, son təsəlliverici görüşdə özbəkistanlı Bekzod Abduraxmanovu məğlub edərək bürünc medal qazanıb.