Stolüstü tennis yarışında Azərbaycan komandası növbəti qələbəsini qazanıb

Rusiyanın Yekaterinburq şəhərində keçirilən Beynəlxalq Universitet İdman Festivalında stolüstü tennis yarışında ölkəmizi təmsil edən komandamız növbəti qələbəsini qazanıb.

"Olimpsport" xəbər verir ki, təmsilçilərimiz Əbdülhəmidova Ləman və Əbilzadə Xədicə (qoşa yarış) Robert və Obiana Qloriadan ibarət Nigeriya kollektivini 3:0 hesabı ilə məğlub edib.

Qeyd edək ki, avqustun 31-dək davam edəcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.

Festivalda Azərbaycanı 10 təhsil ocağından 54-ü kişi 15-i qadın olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışırlar.