Sahmat Olimpiadası: Kişi şahmatçılarımızdan qələbə

Macarıstanın paytaxtı Budapeştdə keçirilən 45-ci Ümumdünya Şahmat Olimpiadası davam edir. Azərbaycan Şahmat Federasiyasından verilən məlumata görə, bu gün zəka sahiblərimiz VII tur çərçivəsində növbəti görüşlərini keçiriblər. Kişi şahmatçılardan ibarət Azərbaycan komandası Qazaxıstan üzərində 3-1 hesablı qələbə qazanıb. Aydın Süleymanlı və Məhəmməd Muradlı bu tur rəqiblərini məğlub edib. Nicat Abasovla Rauf Məmmədov heç-heçəylə kifayətlənib.

Qadın şahmatçılardan ibarət Azərbaycan millisi eyni hesabla Qazaxıstana uduzub 1-3. Günay Məmmədzadə və Gövhər Beydullayeva heç-heçə oynayıb. Ülviyyə Fətəliyeva və Gülnar Məmmədova məğlubiyyətlə barışmalı olub.

Qeyd edək ki, olimpiadaya sentyabrın 22-də yekun vurulacaq.