
BOK-un rəhbər vəzifəsinə 7 namizəd
Beynəlxalq Olimpiya Komitəsinin (BOK) rəhbəri vəzifəsinə namizədlərin siyahısı açıqlanıb. "Olimpnews.az" qurumun mətbuat xidmətinə istinadən xəbər verir ki, siyahıda 7 namizədin adı yer alıb. Namizədlər arasında Beynəlxalq Atletika Federasiyasının rəhbəri Sebastyan Kou (Böyük Britaniya), Beynəlxalq Gimnastika Federasiyasının prezidenti Morinari Vatanabe (Yaponiya), Beynəlxalq Velosipedçilər Assosiasiyasının rəhbəri David Lappartyen (Fransa), Beynəlxalq Xizək İdmanı və Snoubord Federasiyasının rəhbəri Yohan Eliaş (İsveç), BOK-un mərhum prezidenti Xuan Antonio Samarançın ad və soyadını daşıyan oğlu və hazırda Beynəlxalq Olimpiya Komitəsinin vitse-prezidenti olan Xuan Antonio Samaranç (İspaniya), İordaniya kralı Feysəl ibn Hüseyn və BOK-un İCraiyyə Komitəsinin üzvü Kirsti Koventrinin (Zimbabve) adları var.
Qeyd edək ki, ötən ay BOK-un hazırkı prezidenti Tomas Baxın yenidən təşkilata rəhbərlik etməyəcəyi dəqiqləşib. O, 2013-cü ildən komitəyə rəhbərlik edir. Qrumun prezidenti seçkiləri 2025-ci ilin martında Yunanıstanda keçiriləcək.
Daha çox xəbər




18-11-2024
OLİMPSPORT jurnalının baş redaktoru Ramin Allahverdiyev "CBC Sport" kanalının qonağı olub-VİDEO


02-11-2024
8 Noyabr - Zəfər Gününə həsr olunmuş “AzMİU II Zəfər İdman Festivalı”na yekun vurulub

30-10-2024
8 Noyabr - Zəfər Gününə həsr olunmuş “AzMİU II Zəfər İdman Festivalı” keçirilir

















08-09-2024
Paris 2014: Bağlanış mərasimində Azərbaycanın bayraqdarları müəyyənləşib





08-09-2024
Mehriban Əliyeva Paralimpiya Oyunlarında üçüncü dəfə medal qazanan Raman Saleyi təbrik edib
