Hidayət Heydərov “Böyük dəbilqə” turnirində qızıl medal qazanıb

Azərbaycanın daha bir cüdoçusu Bakıda Ümummilli Lider Heydər Əliyevin 100 illik yubileyinə həsr olunmuş “Böyük dəbilqə” turnirində qızıl medal qazanıb.

"Olimpsport" xəbər verir ki, 73 kiloqram çəki dərəcəsində çıxış edən Hidayət Heydərov finalda moldovalı Petru Pelikana qalib gələrək fəxri kürsünün ən yüksək pilləsinə qalxıb.

Zelim Tçkayev isə həlledici görüşdə Avstraliya təmsilçisi Şamil Borçaşvili ilə qarşılaşacaq.

Qeyd edək ki, "Böyük dəbilqə" turnirində daha əvvəl Azərbaycan cüdoçularından Yaşar Nəcəfov (66 kiloqram) qızıl, Leyla Əliyeva (48 kiloqram) isə gümüş medal əldə edib.