Türkiyə Ağırlıqqaldırma Federasiyasının prezidenti Azərbaycan yığmasını ziyarət edib

Türkiyə Ağırlıqqaldırma Federasiyasının prezidenti Talat Ünlü hazırda Türkiyədə təlim-məşq toplanışında olan Azərbaycan yığmalarını ziyarət edib.

"Olimpsport" xəbər verir ki, T.Ünlü düşərgəyə gələrək fevralın 12-20-si aralığında Bolqarıstanda keçiriləcək Avropa çempionatına və digər beynəlxalq yarışlara hazırlaşan idmançı və məşqçi heyəti ilə görüşüb, onlarla söhbət edib.

O, Türkiyə və Azərbaycan yığmalarının birgə toplanış keçməsinin müsbət məqam olduğunu, bunun daha böyük uğurlarla nəticələnəcəyini, qardaş ölkələrin qitə və dünya çempionatlarında, həmçinin Yay Olimpiya Oyunlarında birlikdə qələbələr qazanacağına əminliyini bildirib.