Təmsilçilərimizin oyununu idarə edəcək hakimlər müəyyənləşdi
“Qarabağ” və “Qəbələ”nin Avropa Liqasının qrup mərhələsində ilk oyunlarını idarə edəcək hakimlər müəyyənləşib. Olimpsport.az-ın UEFA-nın rəsmi saytına istinadən məlumatına görə, qitə futbol qurumu təmsilçilərimiz üçün İsveçrə və Avstriyadan olan hakimlər briqadasını göndərəcək.
Ağdam klubunun sentyabrın 15-də “Slovan”la “Dalğa Arena”dakı matçını isveçrəli Stefan Klossner idarə edəcək. “Qəbələ”nin həmin gün “Anderlext”lə səfər görüşündə isə avstriyalı Harald Lexner ədalət təmsilçisi olacaq.
Avropa Liqası
Qrup mərhələsi. I tur
15 sentyabr
19:00. “Qarabağ” – “Slovan” (Çexiya)
Hakimlər: Stefan Klossner, Raffael Zeder, Jan-Yves Viçt, Yohannes Voqel
Əlavə köməkçi hakimlər: Alain Bieri, Saşa Amhof (hamısı İsveçrə)
Hakim-İnspektor: Vladimir Antonov (Moldova)
UEFA nümayəndəsi: Pavel Kolev (Bolqarıstan)
"Dalğa Arena"
21:00. “Anderlext” – “Qəbələ”
Hakimlər: Harald Lexner, Maksimilian Kolbitş, Andreas Heydenrix, Andreas Staudinger
Əlavə köməkçi hakimlər: Markus Hameter, Aleksander Harkam
Hakim-İnspektor: Lusiano Luçi (İtaliya)
UEFA nümayəndəsi: Emil Ubias (Çexiya)
"Konstant Vanden Stok" stadionu