Azərbaycan Kuboku: “NTD-İndiqo” ardıcıl ikinci qələbəsini qazanıb
Basketbol üzrə Azərbaycan Kubokunda daha bir oyun keçirilib.
"Olimpsport" xəbər verir ki, B qrupunda yer alan “NTD-İndiqo” ilə “Sərhədçi” komandaları üz-üzə gəliblər.
İlk turda rəqibləri üzərində qələbə qazanan klubların duelindən bu dəfə “NTD-İndiqo” üstün ayrılıb. “Sərhədçi”ni 104:70 hesabı ilə məğlub edən Tahir Baxşıyevin yetirmələri ölkə kubokunda ardıcıl ikinci qalibiyyətlərini qazanıblar.
Qeyd edək ki, bu gün keçirilən qrupun digər matçında “Sabah” “Şəki”ni 103:82 hesabı ilə məğlub edib.