Marius Vizer: “Bakıdakı təşkilatçılıqdan tam razıyam".

Bakıda keçirilən cüdo üzrə "Böyük dəbilqə" turniri bu gün canlı olaraq izləyənlər arasında Beynəlxalq Cüdo Federasiyasının prezidenti Marius Vizer də olub.

M. Vizer Olimpsport.az saytına açıqlamasında yarışın təşkilatçılığını yüksək qiymətləndirib: “Bu günlərdə Azərbaycan böyük turnirə ev sahibliyi edir.

Azərbaycanda idmana böyük maraq var. İdmana göstərdiyi diqqət və qayğıya görə ölkə Prezidenti İlham Əliyevə xüsusi təşəkkür edirəm. Bakıda həqiqətən də çox böyük bir yarış keçirilir. Təşkilatçılıqdan tam razıyam".