Azərbaycanın U-17 millisi İnkişaf turnirində ilk oyununa çıxacaq
Azərbaycanın 17 yaşadək (U-17) futbolçulardan ibarət millisi Belarusun paytaxtı Minskdə təşkil olunan İnkişaf turnirində bu gün ilk oyununa çıxacaq.
"Olimpsport" AFFA-nın rəsmi saytına istinadən xəbər verir ki, İlham Yadullayevin yetirmələri “ABFF Technical Center”də Belarusun müvafiq yaş qrupundan ibarət komandası ilə qarşılaşacaq.
Matç saat 19:00-da başlayacaq.
Qeyd edək ki, U-17 turnir çərçivəsində həmçinin Özbəkistan və Tacikistan yığmaları ilə üz-üzə gələcək.