Türkiyə - Portuqaliya oyununda meydana azarkeş girib

Almaniyada keçirilən futbol üzrə Avropa çempionatının F qrupunda II turun Türkiyə - Portuqaliya matçında meydana azarkeş girib.

"Olimpsport" xəbər verir ki, hadisə 82-ci dəqiqədə baş verib.

Azyaşlı fanat ulduz hücumçu Kriştianu Ronalduya tərəf qaçıb və onunla şəkil çəkdirib. Azarkeşin stadiondan çıxarılmasından sonra qarşılaşma davam etdirilib.

Qeyd edək ki, Portuqaliya komandası hazırda 3:0 hesabı ilə öndədir.