"İnter"in yeni prezidenti rəsmən açıqlandı
Bakının "İnter" klubunun yeni prezidentinin adı rəsmən açıqlanıb.
Olimpsport.az xəbər verir ki bu barədə paytaxt klubunun saytında məlumat yer alıb.
"Azərbaycan Beynəlxalq Bankı” ASC-nin İdarə Heyətinin qərarına əsasən, Azər Əliyev "İnter” PİK-in prezidenti vəzifəsinə təyin edilib.
1977-ci il təvəllüdlü Azər Əliyevin son iş yeri Azərbaycan Respublikası Nazirlər Kabineti yanında "İçərişəhər” Dövlət Tarix-Memarlıq Qoruğu” İdarəsi rəisinin müavini vəzifəsi olub. O, ictimai fəaliyyət kimi 2010-cu ildə Azərbaycan Ciu-Citsu Federasiyasının vitse-prezidenti vəzifəsində də çalışıb, eyni zamanda Azərbaycan Kikboksinq Federasiyası ilə əməkdaşlıq edir.