Azərbaycan – Almaniya oyununun biletləri satışda
Azərbaycan millisinin DÇ-2018-in seçmə mərhələsində keçirəcəyi növbəti oyunun biletləri satışa çıxarılıb. Olimpsport.az saytının məlumatına görə, martın 26-da baş tutacaq Almaniya ilə qarşılaşmanın biletləri bu gündən onlayn satışdadı.
Bundestimlə matçı izləmək istəyənlərə 7 kateqoriyalı biletlər təklif olunub. VİP sektora giriş 50 manata olacaq. Bundan başqa, 2, 5, 9, 14, 19 və 20 manatlıq biletlər də satışa çıxarılıb.
Kassalarda satışa isə fevralın 1-dən start veriləcək.
Qeyd edək ki, Tofiq Bəhramov adına Respublika stadionunda keçiriləcək Azərbaycan – Almaniya oyunu saat 20:00-da başlayacaq.
Mənbə: affa.az