“Qarabağ”ın vuran ayağı “61”lə getdi
Braziliyalı futbolçu Reynaldonun “Qarabağ” karyerası başa çatır. Olimpsport.az xəbər verir ki, 2013-cü ildən Ağdam təmsilçisinin uğurları üçün çalışan legioner ölkəmizdə 4 il keçirib.
Onun “Qarabağ”dakı ilk oyunu və qolu 2012/13 mövsümünün ikinci yarısına təsadüf edib. Yanvarda transfer olunan Reynaldo 2013-cü il fevralın 2-də “ağ-qara” forma geyinib. O, “Sumqayıt” üzərində 3:0 hesablı ev qələbəsində pay sahibi olub.
Belçika “Anderlext”indən gəldiyi vaxt daha çox yarımmüdafiəçi kimi çıxış edən futbolçu qol hesabını aprelin 13-də açıb. “Qəbələ” ilə səfər matçında dubla imza atan cənubi amerikalı 2:0 hesablı qələbənin memarı olub.
Ümumilikdə isə Reynaldo “Qarabağ”da 134 matç keçirib. Bunlardan 87-si Premyer Liqa, 12-si kubok, 35-i avrokuboklara təsadüf edib.
“Qarabağ”ın əsas qol silahı olan “sambaçı” 4 ildə 61 dəfə rəqib qapılarına yol tapıb. Bu qollardan 43-ü çempionat, 7-si kubok, 11-i avrokubokda qeydə alınıb.
Lakin braziliyalının xatirəsində daha 2 oyun və 4 qol da var. Bunlar nəticəsi ləğv olunan və hesabdan silinənlərdi. O, həm “Sumqayıt”, həm də “Araz-Naxçıvan”la görüşlərdə dubl müəllifi olmağı bacarıb.
Reynaldo 4 il ərzində bir sıra titullara yiyələnib. Ardıcıl 3 dəfə - 2013/14, 2014/15 və 2015/16 mövsümlərində Azərbaycan çempionu, 2014/15 və 2015/16 mövsümlərində isə Azərbaycan kubokunun qalibi olub.
2012/13 mövsümündə çempionatın gümüş mükafatını əldə edən legioner 2013/14 mövsümündə Premyer Liqanın ən yaxşı bombardiri adına yiyələnib. Azərbaycan klublarında avrokuboklarda ən çox qol vuran futbolçu ünvanı da məhz Reynaldoya məxsusdu.
Qeyd edək ki, Reynaldo bu gün Türkiyənin “Adanaspor” klubu ilə müqavilə imzalayacaq.(Apasport.az)
turnir |
oyun |
qol |
2012/13 mövsümü |
||
Premyer Liqa |
9 |
2 |
Kubok |
3 |
0 |
2013/14 mövsümü |
||
Avropa Liqası |
7 |
5 |
Premyer Liqa |
31 |
22 |
Kubok |
2 |
2 |
2014/15 mövsümü |
||
Çempionlar Liqası |
3 |
2 |
Avropa Liqası |
6 |
0 |
Premyer Liqa |
23 |
10 |
Kubok |
4 |
4 |
2015/16 mövsümü |
||
Çempionlar Liqası |
4 |
1 |
Avropa Liqası |
4 |
1 |
Premyer Liqa |
14 |
5 |
Kubok |
3 |
1 |
2016/17 mövsümü |
||
Çempionlar Liqası |
4 |
1 |
Avropa Liqası |
7 |
1 |
Premyer Liqa |
10 |
4 |
Kubok |
0 |
0 |
CƏMİ |
||
Çempionlar Liqası |
11 |
4 |
Avropa Liqası |
24 |
7 |
Avrokuboklar |
35 |
11 |
Premyer Liqa |
87 |
43 |
Kubok |
12 |
7 |
ÜMUMİ |
134 |
61 |