Tərlan Əhmədov 100-ə çatır
Azərbaycan Premyer Liqasının XXII turu AZAL-ın baş məşqçisi Tərlan Əhmədov üçün əlamətdar olacaq. Olimpsport.az xəbər verir ki, “Qarabağ”la sabah səfərdə keçiriləcək görüş 46 yaşlı mütəxəssis üçün “təyyarəçilər”in “sükanı arxası”nda 100-cü matç kimi tarixə düşəcək.
2014-cü ilin martında AZAL-ın baş məşqçisi təyin olunan Əhmədov indiyədək Premyer Liqanın 99 qarşılaşmasında paytaxt təmsilçisinə rəhbərlik edib. 2013/14 mövsümünün sonluğunda, həmçinin növbəti iki çempionatda Bakı təmsilçisinə başçılıq edən çalışdırıcı üçün cari yarış 4-cüdü.
Bu müddətdə 24 qələbə sevinci yaşayan mütəxəssis 7 turdu yubiley – 25-ci uğurun həsrətindədi. Bu il qalib gələ bilməyən AZAL baş məşqçisinə bu sevinci bəxş etmək niyyətindədi.
Əhmədovun rəhbərliyi altında 27 heç-heçə edən AZAL 48 dəfə uduzub. Bu müddətdə 76 qol vuran bakılılar 126 top buraxıb.
Qeyd edək ki, Əhmədova qədər yalnız bir məşqçi – Əsgər Abdullayev AZAL-a 100 və daha çox matçda rəhbərlik edib.
Mövsüm |
O |
Q |
H |
M |
T/F |
X |
2013/14 |
10 |
0 |
5 |
5 |
4-11 |
5 |
2014/15 |
32 |
10 |
9 |
13 |
37-42 |
39 |
2015/16 |
36 |
13 |
7 |
16 |
26-38 |
46 |
2016/17 |
21 |
1 |
6 |
14 |
9-35 |
9 |
Cəmi |
99 |
24 |
27 |
48 |
76-126 |
99 |