Millimiz 4-cü medalını qazandı

Macarıstanın paytaxtı Budapeştdə keçirilən cüdo üzrə dünya çempionatı davam edir.

Mundialın növbəti günündə daha 4 idmançımız mübarizəyə qoşulub. Belə ki, 100 kiloqram çəki dərəcəsində Elxan Məmmədov və Elmar Qasımov tatami üzərinə çıxıblar. Məmmədov mübarizəyə 1/16 final mərhələsindən qoşulub və ilk görüşündə kanadalı Kayl Reyesi məğlub edib. Elmar Qasımov isə Monqolustan təmsilçisi Lxaqvasuren Otqonbatarı mübarizədən kənarlaşdıraraq növbəti mərhələyə adlayıb. Digər təmsilçimiz Kokauri Uşanqi isə ilk görüşündəcə braziliyalı Rafael Silvaya uduzaraq mundialı medalsız başa vurmalı olub. 78 kiloqram çəki dərəcəsində qadın idmançıların yarışında isə ölkəmizi İrina Kindzerska təmsil edib.

Elmar Qasımov 1/8 finalda Portuqaliya təmsilçisi Fonseka Corca uduzaraq təsəlliverici görüşlərə qatılıb. Elxan Məmmədov isə yarımfinalda gürcüstanlı Varlam Lipartelianiyə uduzaraq bürünc medal uğrunda döyüşməli olub. İki cüdoçumuzun qarşı-qarşıya gəldiyi görüşdən Elmar Qasımov qalib ayrılıb və bürünc medala sahib çıxıb. İrina Kindzerska da yarımfinal mərhələsində çinli Yu Sonqa uduzaraq bürünc medal uğrunda görüşə çıxıb. İdmançımız burada Hollandiya təmsilçisi Tessi Savelkoulsla qarşılaşıb və görüşü qalib başa vurub.

Kişilər

100 kq

Bürünc medal uğrunda: İrina Kindzerska - Tessi Savelkouls (Hollandiya)

Bürünc medal uğrunda: Elmar Qasımov - Elxan Məmmədov

Yarımfinal: Elxan Məmmədov - Varlam Liparteliani (Gürcüstan)

Təsəlliverici görüş: Elmar Qasımov - Kiril Denisov (Rusiya)

1/4 final: Elxan Məmmədov - Kazbek Zankişiyev (Rusiya)

1/8 final: Elxan Məmmədov - Anton Savitski (Ukrayna)

1/8 final: Elmar Qasımov - Fonseka Corc (Portuqaliya)

1/16 final: Kokauri Uşanqi - Rafael Silva (Braziliya)

1/16 final: Elmar Qasımov - Lxaqvasuren Otqonbatar (Monqolustan)

1/16 final: Elxan Məmmədov - Kayl Reyes (Kanada)