Millimizin İspaniya ilə oyunu “Dalğa Arena”da!

Futbol üzrə 17 yaşadək qızlar arasında Avropa çempionatının seçmə mərhələsinin təqvimi müəyyənləşib. Azərbaycanda baş tutacaq 3-cü qrupun oyunlarının da vaxtı və yeri açıqlanıb.

Qeyd edək ki, millimiz bu qrupda İspaniya, İslandiya və Çernoqoriya ilə mübarizə aparacaq. Komandamız ilk oyununu islandlara, ikinci matçını ispanlara qarşı keçirəcək. Son turda isə qızlarımız çernoqoriyalı həmyaşıdları ilə üz-üzə gələcəklər. 

Qrupun oyunları Bakı Olimpiya Stadionunun ehtiyat meydançasında və “Dalğa Arena”da keçiriləcək.

3-cü qrupun oyunlarının təqvimini təqdim edirik:

2 oktyabr

13:00. İspaniya – Çernoqoriya
Bakı Olimpiya Stadionu 2.

17:00. Azərbaycan – İslandiya
Bakı Olimpiya Stadionu 2.

5 oktyabr

13:00. İslandiya – Çernoqoriya
“Dalğa Arena”.

17:00. İspaniya – Azərbaycan
“Dalğa Arena”.

8 oktyabr

17:00. İslandiya – İspaniya
Bakı Olimpiya Stadionu 2.

17:00. Çernoqoriya – Azərbaycan
“Dalğa Arena”.