Qurban Qurbanov: "Rəqibin oyununu kiçiltməyək"
Topaz Premyer Liqasının VII turunun son oyununda “Zirə”ylə ev oyununda qolsuz bərabərliyə qalan “Qarabağ”ın baş məşqçisi Qurban Qurbanov mətbuat konfransı keçirib.Təcrübəli mütəxəssis oyundan narazı qalmadıqlarını bildirib.
- Ağır oyun oldu. Topa istədiyimiz kimi nəzarət edə bilmədik. Rəqib inamlı müdafiə olundu. Futbolçuları qınamağa ehtiyac yoxdu. Heyətdə xeyli rotasiya etmişdik və bu, müəyyən anlaşılmazlıqları şərtləndirirdi.
- 90-cı dəqiqəyədək komandanız qol imkanı yaxalaya bilmədi. Bu, çempionata motivasiya ola bilməməkdən qaynaqlanır?
- Qeyd etdiyim kimi, heyətdə rotasiyalar etmişdim. Digər tərəfdən də rəqibin oyununu da kiçiltməyək.
- Çempionatda yaranan fasilə komandanıza müsbət, yoxsa mənfi təsir göstərəcək?
- 11-12 oyunçumuz qalacaq. Müxtəlif yığmalara dəvət alıblar. Bunu normal qarşılayırıq.
- “Qarabağ 6 oyuda 5 qələbə qazanıb və 1 heç-heçəyə imza atıb. Bu, komandanızın gücündən xəbər verir, yoxsa, rəqibləriniz zəifləyib?
- Heyətimiz genişdi. İstədiyimiz futbolçuları oyuna daxil edə bilirik. Deməzdim ki, rəqiblərimiz zəifləyib.