8 idmançımız mübarizəyə başlayır
XXXI Yay Olimpiya Oyunlarının ikinci yarış günündə Azərbaycanın 8 təmsilçisi mübarizəyə qoşulacaq.
Olimpsport.az xəbər verir ki, idmançılarımız şosse velosipedi, cüdo, idman gimnastikası, boks, akademik avarçəkmə və güllə atıcılığı növlərində yarışacaqlar.
Cüdoçu Orxan Səfərov, şosse velosipedçisi Maksim Averin və güllə atıcısı Ruslan Lunyovun yekun nəticəsi bu gün müəyyənləşəcək.
İdman gimnastı Oleq Stepko, Pavel Paxnyuk, boksçu Rüfət Hüseynov, akademik avarçəkənlər Aleksandr Aleksandrov - Boris Yotov, güllə atıcısı Ruslan Lunyov da bu gün mübarizəyə qoşulacaq.
Şosse velosipedi
Final. 16:30 - 23:10. Maksim Averin
Cüdo
Seçmə mərhələ. 17:00 - 20:00. 1/16 final. Orxan Səfərov - Xuan Postiqos (Peru).
Yarımfinal və final. 22:30 - 01:10
İdman gimnastikası
I təsnifat mərhələsi. 17:30 - 20:00, 21:30 - 24:00. 01:30 - 04:00. Oleq Stepko, Pavel Paxnyuk
Boks
1/16 final. 24:00. Rüfət Hüseynov - Matias Hamunyela (Namibiya)
Akademik avarçəkmə
Seçmə yürüş. 18:30. Aleksandr Aleksandrov - Boris Yotov. 2 nəfərlik qayıqla (M2X) 2000 metr məsafəyə yürüş
Güllə atıcılığı
Final. 20:00 - 23:30. Ruslan Lunyov. 10 metr, pnevmatik tapança ilə
Bu gün Azərbaycanın ilk təmsilçisi Olqa Senyuk kamandan oxatma növündə fərdi sıralama yarışına qoşulacaq. Yarış saat 20:00-dan 22:00-dək davam edəcək.