Naxçıvanda keçirilən şahmat üzrə Azərbaycan çempionatına start verilib

24 şahmatçının mübarizə apardığı Azərbaycan çempionatında 1-ci turun ilk gedişlərini Gənclər və İdman naziri Fərid Qayıbov və Azərbaycan Şahmat Federasiyasının vitse-prezidenti Seymur Talıbov edib. Sona çatmış ilk turda reytinq favoritlərin böyük əksəriyyəti qalib gəldi və bu mənada gözlənilməz nəticələr olmadı. Bu turda 9 şahmatçı öz aktivinə bir xal yaza bildi. Vasif Durarbəyli, Əhməd Əhmədzadə, Xəzər Babazadə, Aydın Süleymanlı,Məhəmməd Muradlı, Nicat Məmmədov,Misrətdin İskəndərov, Murad İbrahimli,Pərviz Qasımov ilk turda qələbə qazanan şahmatçılar olub.