Beynəlxalq İdman Mətbuatı Assosiasiyasının (AIPS) vəsiqələri bir qrup AİJA üzvünə təqdim edilib

Fevralın 17-si Azərbaycan İdman Jurnalistləri Assosiasiyasının (AİJA) baş ofisində 2022-2023-cü illər üçün Beynəlxalq İdman Mətbuatı Assosiasiyasının (AIPS) vəsiqələri bir qrup AİJA üzvünə təqdim edilib.
 
Tədbiri giriş sözü ilə açan AİJA prezidenti Eldar İsmayılov qonaqları salamlayıb.
 
Daha sonra AİJA-nın baş katibi Rövşən Binnətli, təşkilatın birinci-vitse prezidenti Nərgiz Mahmudzadə, vitse-prezidentlər Natiq Nəsirov, Anar Şabanoğlu və Tovuz Gənclər Evinin direktoru Rauf Rüstəmov vəsiqələri üzvlərə təqdim ediblər.
Sonda Eldar İsmayılov bu gün keçiriləcək "Marsel" - "Qarabağ" oyununun əhəmiyyətindən danışıb və AİJA rəhbərliyi adından çətin səfər qarşılaşmasında komandamıza uğurlar arzulayıb.