Azərbaycan döyüşçüləri dünya çempionatından 5 medal qazanıblar

Martın 24-dən 28-dək Niderlandın paytaxtı Amsterdamda MMA idman növü üzrə dünya çempionatı keçirilib.

OLİMPSPORT Azərbaycan Gənclər və İdman Nazirliyinin saytına istinadla xəbər verir ki, çempionatda 8 idmançı ilə təmsil olunan Azərbaycan 5 medal qazanıb. Gərgin idman mübarizəsi şəraitində keçən yarışda Fətəli Talıbov (52 kq), Ehtiram Dərişov (62 kq) qızıl, Nail Əzizov (83 kq) gümüş, İmran Abbasquliyev (70 kq) və Ömər Mutayev (77 kq) isə bürünc medala sahib olublar.