Basketbol üzrə U-18 milli komandamız Avropa Çempionatının yarımfinalında!

San Marino 'da gənclər arasında təşkil olunmuş Avropa Çempionatının "C" divizionunda U-18 milli komandamız B qrupunda sonuncu görüşünə çıxıb. Moldova seçməsi ilə qarşılaşan Tahir Baxşıyev və Anar Sarıyevin rəhbərlik etdiyi yığmamız görüşün əvvəlində qazandığı üstünlüyü oyunun sonuna qədər davam etdirərək, sonda rəqibini 75-66 hesabı ilə məğlub edib. Qrupdakı bütün rəqiblərinə qalib gələn millimiz adını turnirin yarımfinalına yazdırıb.

Millimizin 1/2 finaldakı rəqibi, A qrupunda keçiriləcək Albaniya - Andorra cütünün qalibi olacaq. Yarımfinal görüşü 30 iyul Bakı vaxtı ilə saat 21.15 'də baş tutacaq.