Azərbaycan güləşçilərindən uğurlu start

Dünən Rumıniyanın Konstansa şəhərində çimərlik güləşi üzrə Dünya Seriyasının final mərhələsinə start verilib.

Yarışda ölkəmizi 8 idmançı təmsil edir. İlk gündə qrup mərhələsinin 1-ci turunun görüşləri keçirilib.

Təmsilçilərimizdən Ramiz Həsənov (70 kq), Omid Kamaliaqdam, Fərid Yunusov (hər ikisi 80 kq), İbrahim Yusubov, Fərid Cabbarov (hər ikisi 90 kq), Oyan Nəzəriani və Zəfər Əliyev (hər ikisi +90 kq) ilk turu qələbəylə başa vurub. Yalnız Rübail İbrahimli (70 kq) ilk görüşdə minimal fərqlə (2:3) məğlub olub.

Bu gün qrup mərhələsinin qalan görüşləri, həmçinin yarımfinal və qarşılaşmaları baş tutacaq. Bununla da güləşin bu növündə hər çəki üzrə dünya çempionları müəyyənləşəcək.