Con Terri İngiltərə yığmasında oynamaqdan imtina etdi

Londonun "Çelsi" futbol klubunun müdafiəçisi Con Terri onu yenidən ölkə yığmasında görmək istəyən baş məşqçi Sem Ellardaysın açıqlamasına münasibət bildirib. Olimpsport.az xəbər verir ki, bununla bağlı İngiltərə mətbuatına müsahibə verən Terri yenidən yığma komandanın formasını geymək niyyətində olmadığını deyib.

"Mən yığma komandada oynamaq arzusunda deyiləm və bunu əvvəllər də bildirmişəm. Fikrim qətidir. Bir daha İngiltərə yığmasının heyətində meydana çıxmayacağam. Yığma komandada kifayət qədər təcrübəli və öz işlərini yaxşı bilən oyunçular var. Sadəcə olaraq onların imkanlarından bacarıqla istifadə etmək lazımdır",.

Xatırladaq ki, bir neçə gün əvvəl İngiltərə Futbol Assosiasiyası Terriyə karyerasını yığma komandada davam etdirib-etdirməyəcəyi barədə sorğu göndərmişdi. Lakin Terri "Çelsi"də özünü daha yaxşı hiss etdiyini söyləyərək yığma komandada oynamaq məsələsinə qayıtmayacağını bəyan etmişdi.