"Qızıl top" mükafatının qalibi bəlli olub

"France Football" nəşrinin təsis etdiyi "Qızıl top" mükafatının qalibi müəyyənləşib.

Bu mükafata İspaniya "Real Madrid"inin hücumçusu Kərim Benzema layiq görülüb.

Fransalı forvard karyerası ərzində ilk dəfə sözügedən titula sahib çıxıb.

35 yaşlı futbolçuya mükafatı həmyerlisi, Fransa millisinin əfsanəvi yarımmüdafiəçisi Zinəddin Zidan təqdim edib.