Mariya Stadnik Tovuz Gənclər Evinin qonağı olub

Qadın güləşi üzrə 4 qat Olimpiya mükafatçısı, 2 qat dünya, 8 qat Avropa çempionu, iki qat Avropa Oyunlarının və İslam Həmrəyliyi Oyunlarının qalibi Mariya Stadnik noyabrın 18-də Tovuz Gənclər Evinin qonağı olub.

Gənclər evində təşkil edilən gender bərabərliyi mövzusunda təlimdə fəxri qonaq kimi iştirak edən dünya şöhrətli idmançımız eyni zamanda tovuzlu gənclərlə bir neçə saat səmimi ünsiyyət quraraq onları maraqlandıran sualları cavablandırıb.

Xatırladaq ki, fəxri qonaqlar arasında Azərbaycan İdman Jurnalistləri Assosiasiyasının (AİJA) prezidenti, əməkdar jurnalist Eldar İsmayılov və AİJA-nın güləş komissiyasının sədri, əməkdar məşqçi Ramin Allahverdiyev də iştirak edib.

Qeyd edək ki, yüzə yaxın yeniyetmə və gənclərin iştirak etdiyi təlim Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi Gənc Hüquqşünaslar İctimai Birliyinin təşkil etdiyi mütəxəssislər tərəfindən həyata keçirilib.