Əməkdar məşqçi Ceyhun Ağamalıyevin 50 illik yubileyi münasibətilə yarış təşkil olunub

Bu gün sərbəst güləş üzrə Respublikanın əməkdar məşqçisi, Ceyhun Ağamalıyevin 50 yaşı tamam olur.

Cəlilabad güləş məktəbinin yetirməsi olan Ceyhun Ağamalıyev idmançı kimi Respublika və beynəlxalq yarışların mükafatçısı olub. O, veteranlar arasında da dünya çempionatında mükafat qazanıb. Məşqçi kimi isə respublika, dünya və Avropa birinciliklərində mükafata layiq yerlər qazanmış pəhləvanlar yetişdirib.

Qeyd edək ki, bu gün doğma Cəlilabadda Ceyhun müəllimin yubileyinə həsr olunmuş sərbəst güləş üzrə açıq birincilik təşkil olunub.

Ömrünün böyük hissəsini güləşə həsr edən təcrübəli mütəxəssisi 50 yaşı tamam olması münasibətilə həm redaksiyamız, həm də güləşsevərlər adından təbrik edir, ona uzun ömür can sağlığı arzu edirik.