"Çelsi"nin hücumçusu Pyerr-Emerik "Qalatasaray"a keçə bilər

İngiltərənin "Çelsi" klubunun futbolçusu Pyerr-Emerik Obameyanq karyerasını Türkiyədə davam etdirə bilər.

"Olimpsport" "The Telegraph" nəşrinə istinadən xəbər verir ki, "Qalatasaray" 34 yaşlı hücumçunu transfer etmək istəyir.

"Sarı-qırmızılar" artıq afrikalı forvardın transferi üçün təklif də hazırlayır.

Qeyd edək ki, Pyerr-Emerik Obameyanqın London təmsilçisi ilə müqaviləsi 2024-cü ilin yayında başa çatmalıdır. O, ötən mövsüm 21 oyuna çıxıb və 3 qolla yadda qalıb.