Koul Palmer “Mançester Siti”dən “Çelsi”yə keçib

"Mançester Siti"nin yarımmüdafiəçisi Koul Palmer karyerasını "Çelsi"də davam etdirəcək.

"Olimpsport" xəbər verir ki, bu barədə London futbol klubu məlumat yayıb.

İyirmi bir yaşlı futbolçu "Çelsi" ilə 7 illik müqavilə imzalayıb.

Palmer “Mançester Siti”nin akademiyasından keçib, 2019/20-ci illərdə klubun gənclər komandasına kapitanlıq edib və onlarla 18 yaşadək futbolçular arasında İngiltərə Kubokunu qazanıb. Həmin turnirin finalında “Çelsi”yə qol vurub.

2022/23 mövsümündə Palmer "Siti"nin heyətində bütün yarışlarda 25 əsas oyuna çıxıb, liqa və İngiltərə Kubokunu, eləcə də Çempionlar Liqasını qazanıb.