Millimiz elit-raund mərhələsində Niderlanda qalib gəlib

Futzal üzrə Azərbaycan milli komandası DÇ-2024-ün elit-raund mərhələsində ikinci oyununu keçirib.

"Olimpsport" xəbər verir ki, Vitali Borisovun baş məşqçi olduğu kollektiv Bakı İdman Sarayında Niderland yığması ilə qarşılaşıb və rəqibini 6:1 hesabı ilə üstələyib.

Milli komandadan qolları Rafael Vilela (2), Everton Kardoso, Felipinyo (2) və Maneka vurublar.

Qeyd edək ki, Azərbaycan yığması A qrupundakı ilk matçında səfərdə Rumıniyaya 1:3 hesabı ilə uduzub.