Messi "İnter Mayami"nin 7 oyununda oynamayacaq

ABŞ-nin “İnter Mayami” klubunun futbolçusu Lionel Messi 2024-cü ildə MLS-in 7 oyununu buraxacaq.

"Olimpsport" xəbər verir ki, buna səbəb Argentina millisinin yayda Amerika Kubokunda iştirak etməsi olacaq.

Turnir 2024-cü il iyunun 20-dən iyulun 14-dək təşkil ediləcək. MLS-in təqvimi FIFA ilə razılaşdırılmadığından, hər iki yarışda matçlar eyni vaxtda keçiriləcək. 36 yaşlı hücumçu “Filadelfiya”, “Kolumbus Kryu”, “Neşvill”, “Şarlotta” və “Sinsinnati” kimi rəqiblərlə görüşlərdə komandasına kömək edə bilməyəcək.

Qeyd edək ki, MLS-də 2024-cü il mövsümü fevralın 21-də başlayacaq.